અમેરિકામાં હેલ્થકેર સાથે જોડાયેલાં ઘણાં પ્રકારનાં કોર્સનો અભ્યાસ કરાવવામાં આવે છે, જેમાં Nursing પણ સામેલ છે. અહીં નર્સોને ખૂબજ સારું સેલેરી પેકેજ મળે છે.
ઉજ્જવલ ભવિષ્ય
અમેરિકામાં મેડિકલ ક્ષેત્રમાં કારકિર્દી બનાવવા માટે દુનિયાભરમાંથી વિદ્યાર્થીઓ આવે છે. કોઈ ડોક્ટરનો અભ્યાસ કરે છે, તો કોઈ ફાર્મસીની ડિગ્રી મેળવે છે. કેટલાંક વિદ્યાર્થીઓ એવાં પણ હોય છે, જે Nursingનો અભ્યાસ કરે છે. અહીં હેલ્થકેર સેક્ટરમાં ખૂબજ સારો પગાર મળે છે, જેનાં લીધે મોટાભાગનાં વિદ્યાર્થીઓ અમેરિકામાં અભ્યાસ કરવાનું પસંદ કરે છે. જો આપ પણ વિદેશમાં Nursing કરવા માટેની યોજના બનાવી રહ્યાં છો, તો અમેરિકા આપના માટે સારો દેશ છે. આનું મુખ્ય કારણ ત્યાં ડિગ્રી મળ્યા બાદ જે જોબ મળે છે, જેમાં ખૂબજ સારું સેલેરી પેકેજ મળે છે.
જોકે, નર્સ બનીને મોટું સેલેરી પેકેજ મેળવવા સુધીની સફરમાં પણ ખૂબજ ખર્ચ આવે છે. આનું મૂળ કારણ એ છે કે, અમેરિકામાં હેલ્થકેર સાથે જોડાયેલા કોર્સની ફી ખૂબજ વધારે છે, ખાસ કરીને વિદેશી વિદ્યાર્થીઓ માટે. આ જ કારણ છે કે, ભારતીય વિદ્યાર્થીઓએ પણ અહીં અભ્યાસ કરવા માટે ઘણી મોટી ફી ચૂકવવી પડે છે. જેમાં સૌથી મોટો ખર્ચ ટ્યુશન ફીનો થાય છે, જે ઘણો વધુ હોય છે. ત્યારબાદ રહેવા-જમવાનો ખર્ચ પણ વધુ થાય છે. એવામાં આવો જાણીએ કે અમેરિકામાં Nursingનો કોર્સ કરવા માટે કેટલો ખર્ચ આવે છે અને અહીં નર્સોની સેલેરી કેટલી હોય છે?
Nursing કોર્સનો ખર્ચ
એક સર્વે પ્રમાણે, અમેરિકામાં Nursingનાં કોર્સનો ખર્ચ એ વાત પર આધાર રાખે છે કે, વિદ્યાર્થીઓ કેવી સંસ્થામાં અભ્યાસ કરી રહ્યાં છે. જો કોઈ સરકારી યૂનિવર્સિટીમાંથી બેચલર ઓફ સાયન્સ ઇન નર્સિંગ (BSN) કરવા માંગે છે, તો તેને લગભગ 34.4 લાખથી 46.5 લાખ રૂપિયા ફી તરીકે જમા કરાવવા પડે છે. જો તે કોઈ પ્રાઇવેટ યૂનિવર્સિટી તરફ જાય છે, તો ફી લગભગ 92.9 લાખથી પણ વધુ હોઈ શકે છે. આ ઉપરાંત, વિદ્યાર્થીઓએ વાર્ષિક લગભગ 13.9 લાખથી 20.4 લાખ રૂપિયા માત્ર રહેવા માટે ખર્ચ કરવો પડે છે. આ ઉપરાંત લગભગ 1 લાખથી 2.5 લાખ અન્ય ખર્ચ (જેમકે પુસ્તકો, વીમો તથા વિઝા ફી) વગેરે માટે કરવો પડે છે.
નર્સની સેલેરી કેટલી હોય છે?
જોકે, અમેરિકામાં Nursingનો કોર્સ કરવા માટે કરેલો આ ખર્ચ આગળ જતાં ખૂબજ ફાયદાકારક સાબિત થાય છે. આની પાછળનું મૂળ કારણ ત્યાં નર્સ બન્યા બાદ મળનારી સેલેરી છે. બ્યૂરો ઓફ લેબર સ્ટેટિસ્ટિક્સ (BLS)નાં આંકડા પ્રમાણે, અમેરિકામાં એક રજિસ્ટર્ડ નર્સની એવરેજ વાર્ષિક સેલેરી લગભગ 87 લાખ રૂપિયા હોય છે, જ્યારે નર્સ પ્રેક્ટિશનર જેવાં વિશેષ હોદ્દા પર આ આંકડો 1.2 કરોડ વાર્ષિક સુધી પહોંચી જાય છે.
આ જ પ્રકારની કારકિર્દી લક્ષી માહિતી આપ અમારી યુટ્યુબ ચેનલ https://www.youtube.com/@UjjavalBhavishyaNews પરથી પણ મેળવી શકો છો.