શું USAમાં Medicalની ડિગ્રી લઈને ભારતમાં પ્રેક્ટિસ કરવા માટે આપવી પડશે FMGE?

વિદેશમાં Medicalનો અભ્યાસ કરવા માટે જનારા વિદ્યાર્થીઓને ખબર હોવી જોઈએ કે, તેમણે ભારતમાં પ્રેક્ટિસ કરવા માટે FMGEની પરીક્ષા પાસ કરવાની હોય છે.

ઉજ્જવલ ભવિષ્ય

ભારતમાંથી દર વર્ષે હજ્જારો વિદ્યાર્થીઓ વિદેશમાં Medicalનાં અભ્યાસ માટે જતાં હોય છે. એમાંથી મોટાભાગનાં ભારતીય વિદ્યાર્થીઓ મધ્ય એશિયાઈ દેશો અથવા રશિયા કે યૂક્રેનમાં એડમિશન લેવાનું વધુ પસંદ કરે છે. પરંતુ કેટલાંક વિદ્યાર્થીઓ એવા પણ હોય છે, જે અમેરિકા જવા માંગે છે. જોકે, અમેરિકામાં Medicalનો અભ્યાસ કરનારા વિદ્યાર્થીઓની સામે એક મોટો પડકાર પણ રહેલો છે. તેઓ એ જાણતા નથી હોતા કે, શું ભારત પરત ફરતી વખતે તેમણે સીધી પ્રેક્ટિસ કરવાની પરવાનગી મળશે કે નહીં?

નેશનલ મેડિકલ કમિશન (NMC)એ ફોરેન મેડિકલ ગ્રેજ્યુએટ્સ (FMGs) એટલે કે વિદેશથી Medicalનો અભ્યાસ કરનાર વિદ્યાર્થીઓને લઈને નિયમ બનાવ્યા છે. ભારતમાં જ્યાં MBBSની ડિગ્રી આપવામાં આવે છે, ત્યાં દુનિયાનાં કેટલાંય દેશોમાં આ ડિગ્રી અલગ-અલગ નામથી આપવામાં આવે છે. અમેરિકામાં તેને ડોક્ટર ઓફ મેડિસિન (MD) તરીકે ઓળખવામાં આવે છે. એવામાં આવો જાણીએ કે શું અમેરિકાથી મેડિકલ એજ્યુકેશન મેળવનારા વિદ્યાર્થીઓને ભારતમાં પ્રેક્ટિસ કરવા માટે કોઈ પરીક્ષા આપવી પડે છે કે નહીં?

FMGEને લઈને સામાન્ય નિયમ શું છે?

NMCનાં નિયમો પ્રમાણે, વિદેશથી Medicalનો અભ્યાસ કરીને પરત ફરનારા ભારતીયોને દેશમાં પ્રેક્ટિસની પરવાનગી ત્યારે જ મળે છે, જ્યારે તેઓ ફોરેન મેડિકલ ગ્રેજ્યુએટ એક્ઝામિનેશન (FMGE) ક્લિયર કરી લે છે. આ ખૂબજ અઘરી પરીક્ષા હોય છે, અને તેના પર્સન્ટેજ ખૂબજ ઓછા રહે છે. NMCનું કહેવું છે કે, સ્ક્રીનિંગ ટેસ્ટ રેગ્યુલેશન દ્વારા કોઈપણ ભારતીય નાગરિક અથવા પ્રવાસી ભારતીય નાગરિક જો ભારતની બહાર કોઈ યૂનિવર્સિટીમાંથી મેડિકલ એજ્યુકેશન પ્રાપ્ત કરે છે, જો તેનું NMC અથવા સ્ટેટ મેડિકલ કાઉન્સિલમાં રજિસ્ટ્રેશન ત્યારે જ થશે, જ્યારે તે FMGE ક્વોલિફાઈ કરી લે છે.

FMGE મુદ્દે અમેરિકા અંગે શું નિયમ છે?

NMCની ગાઈડલાઇન્સ મુજબ, પાંચ અંગ્રેજી ભાષી દેશોનાં મેડિકલ ગ્રેજ્યુએટ્સને FMGEમાંથી છૂટ મળેલી છે. જેમાં અમેરિકાથી મેડિકલનો અભ્યાસ કરીને આવેલા ગ્રેજ્યુએટ્સ પણ સામેલ છે. જોકે, તેમને FMGEમાંથી છૂટ ત્યારે જ આપવામાં આવે છે, જ્યારે તેઓ કેટલીક ખાસ શતોને પૂર્ણ કરતા હોય. જો કોઈએ અમેરિકામાં માત્ર MDની ડિગ્રી મેળવી હોય, તો તે એક અંડરગ્રેજ્યુએટ મેડિકલ ક્વોલિફિકેશન છે. આ પરિસ્થિતિમાં તેમણે ભારતમાં પ્રેક્ટિસ કરતા પહેલાં FMGE પરીક્ષા પાસ કરવાની રહેશે.

બરાબર આવી જ રીતે જો કોઈ શખ્સ પોસ્ટ ગ્રેજ્યુએટ મેડિકલ ક્વોલિફિકેશન પૂર્ણ કરી ચૂક્યો છે. અને તેને અમેરિકામાં મેડિકલ પ્રેક્ટિસની પરવાનગી પણ મળેલી છે. તો આવી સ્થિતિમાં તે શખ્સને ભારતમાં પ્રેક્ટિસ કરવા માટે FMGE પરીક્ષા આપવાની જરૂર રહેતી નથી. અહીં પોસ્ટ ગ્રેજ્યુએટ મેડિકલ ક્વોલિફિકેશનનો મતલબ સ્પેશ્યાલિસ્ટ ડોક્ટર છે. ખાસ કરીને MD કરનારા ગ્રેજ્યુએટ્સ રેજિડેન્સી દરમ્યાન સ્પેશ્યલાઇઝેશન કરે છે, જેને પૂર્ણ થવામાં 3 વર્ષ લાગી જાય છે.

NMCનાં મત પ્રમાણે, ‘તે વ્યક્તિને રજિસ્ટ્રેશન માટે સ્ક્રીનિંગ ટેસ્ટ કરવાની જરૂર નહીં રહે, જેની પાસે અમેરિકામાં અંડરગ્રેજ્યુએટ મેડિકલ ક્વોલિફિકેશન છે. એ સાથે જ તેને અહીં પોસ્ટ ગ્રેજ્યુએટ મેડિકલ ક્વોલિફિકેશન પણ પ્રાપ્ત થયેલી છે. આ ઉપરાંત તેને દેશમાં પ્રેક્ટિસની પરવાનગી પણ મળેલી છે. ’ સરળ ભાષામાં કહીએ તો, જો આપ અમેરિકામાં MD અને પોતાની રેજિડેન્સી (PG) બંને પૂર્ણ કરી લો છો, તો આપને ભારતમાં પ્રેક્ટિસ માટે FMGE આપવાની જરૂર રહેતી નથી.

આ જ પ્રકારની કારકિર્દી લક્ષી માહિતી આપ અમારી યુટ્યુબ ચેનલ https://www.youtube.com/@UjjavalBhavishyaNews પરથી પણ મેળવી શકો છો.