બ્રિટનમાં અભ્યાસ કરનાર વિદ્યાર્થીઓને ત્યાં Job કરવાની મંજૂરી હોય છે, જેથી તે દેશમાં રોકાઈને વર્ક એક્સપીરિયન્સ મેળવી શકે.
ઉજ્જવલ ભવિષ્ય
બ્રિટનની સરકારે એક વ્હાઇટ પેપર રજૂ કર્યું છે, જેમાં વિદેશી વિદ્યાર્થીઓ માટે કડક નિયમો લાવવામાં આવ્યા છે. જેની સીધી અસર એ વિદ્યાર્થીઓ પર પડશે, જે બ્રિટનમાં અભ્યાસ પૂર્ણ કર્યા બાદ ત્યાં Job કરવાનું પ્લાનિંગ કરી રહ્યાં છે. ઇમિગ્રેશનને લઈને કરવામાં આવેલો સૌથી મોટો સુધાર વિદેશી વિદ્યાર્થીઓ માટે પોસ્ટ સ્ટડી વર્ક પરમિટનો સમયગાળો ઘટાડવાનો છે.
જો કે બ્રિટનમાં વિદેશી વિદ્યાર્થીઓ માટે ગ્રેજ્યુએટ રૂટ નામથી એક પ્રોગ્રામ ચલાવવામાં આવે છે. જે મુજબ જે વિદ્યાર્થી બ્રિટનની યૂનિવર્સિટીમાંથી અભ્યાસ પૂર્ણ કરે છે, તેને દેશમાં જોબ કરવાની મંજૂરી મળે છે. સૌથી સારી વાત એ છે કે, તે કોઈપણ કંપનીમાં જોબ કરી શકે છે અને તેમને કોઈપણ પ્રકારના સ્પોન્સરશિપ લેટરની જરૂરત નથી હોતી. ગ્રેજ્યુએટ રૂટ પ્રોગ્રામને કારણે જ દર વર્ષે લાખોની સંખ્યામાં વિદેશી વિદ્યાર્થીઓ બ્રિટનમાં અભ્યાસ કરવા આવે છે, કારણ કે તેમને ખબર હોય છે કે તે ડિગ્રી મળ્યા બાદ ત્યાં જોબ કરી શકે છે.
હવે માત્ર 18 મહિના જ Job કરવાની મંજૂરી મળશે
બ્રિટિશ સરકારે ગ્રેજ્યુએટ રૂટ વિઝાનો સમયગાળો ઘટાડ્યો છે. 1 જાન્યુઆરી, 2027થી વિદેશી વિદ્યાર્થીઓને માત્ર 18 મહિના સુધી જ દેશમાં રોકાઈને Job કરવાની પરવાનગી રહેશે. પહેલાં આ સમયગાળો 2 વર્ષનો હતો. આ દરમ્યાન વિદ્યાર્થીઓ ન માત્ર Job શોધી શકે છે, પરંતુ તે સ્પોન્સરશિપ વગર કોઈપણ કંપનીમાં નોકરી કરી શકે છે. ભારતીય વિદ્યાર્થીઓની વચ્ચે તો ગ્રેજ્યુએટ રૂટ વિઝા ખૂબજ વધુ લોકપ્રિય રહ્યાં છે. ભારતીય વિદ્યાર્થીઓને ખબર રહેતી હતી કે, ડિગ્રી મળ્યા બાદ તેને નોકરી માટે વધુ ધક્કા નહીં ખાવા પડે.
જોકે, પીએચડી કરનારા વિદ્યાર્થીઓ પહેલાંની જેમજ ત્રણ વર્ષ સુધી Job કરી શકશે. હોમ ઓફિસ મિનિસ્ટર માઇક ટાપે એક લેખિત બયાનમાં કહ્યું, ‘આ ફેરફાર એટલા માટે કરવામાં આવ્યો છે, કારણ કે આંકડાથી ખબર પડે છે કે ઘણાંબધા વિદ્યાર્થીઓ ગ્રેજ્યુએટ લેવલની જોબ નથી કરી રહ્યા, જ્યારે ગ્રેજ્યુએટ રૂટની સ્થાપના જ આના માટે કરવામાં આવી હતી.’ તેમણે ઇશારો આપ્યો કે વિદ્યાર્થીઓ ગ્રેજ્યુએશનની ડિગ્રી મળ્યા બાદ પણ વેઇટર, ડ્રાઇવર, ક્લીનર્સ જેવી નાની-મોટી Job કરી રહ્યાં છે, જેનું અર્થવ્યવસ્થામાં વધુ યોગદાન હોતું નથી.
આ જ પ્રકારની કારકિર્દી લક્ષી માહિતી આપ અમારી યુટ્યુબ ચેનલ https://www.youtube.com/@UjjavalBhavishyaNews પરથી પણ મેળવી શકો છો.