USAમાં H-1Bની નવી પ્રસ્તાવિત ફીને લીધે કેટલાંય લોકો હેરાન છે. આમાં એ વિદયાર્થીઓ પણ સામેલ છે, જે અહીં અભ્યાસ બાદ જોબનું પ્લાનિંગ કરી રહ્યાં છે. હાલમાં આ બધા માટે જોબ મેળવવી મુશ્કેલ બની ગઈ છે.
ઉજ્જવલ ભવિષ્ય
રાષ્ટ્રપતિ ડોનાલ્ડ ટ્રંપની સરકારે એ કંપનીઓ પાસેથી 1,03,265 ડોલર (લગભગ 99 લાખ રૂપિયા)ની ફી વસૂલવાનો પ્રસ્તાવ મૂક્યો છે, જે H-1B વિઝા પર હાયરિંગ કરે છે. પ્રસ્તાવિત ફી માત્ર એ જ કંપનીઓ માટે હશે, જે એચ-1બી વિઝા કોટામાં રહેલાં લોકોનું હાયરિંગ કરે છે. અમેરિકામાં દર વર્ષે 85 હજાર H-1B વિઝા જારી થાય છે, જેમાંથી 20 હજાર એ વિદ્યાર્થીઓ માટે રિઝર્વ છે, જેઓએ અમેરિકામાં અભ્યાસ કર્યો છે.
ટ્રમ્પ સરકારની આ પ્રસ્તાવિત ફીને લીધે એ વિદ્યાર્થીઓ તથા લોકોનું ટેન્શન વધી ગયું છે, જેઓ હાલ અમેરિકામાં જ છે. ડિપાર્ટમેન્ટ ઓફ હોમલેન્ડ સિક્યોરિટી (DHS) દ્વારા પ્રસ્તાવિત આ ફી વિઝા કોટા હેઠળ રહેલી તમામ H-1B અરજીઓ પર લાગૂ થશે. આમાં અમેરિકાનાં એ વિદેશી વિદ્યાર્થીઓની અરજીઓ પણ સામેલ છે, જેમનું H-1B વિઝા લોટરીમાં સિલેક્શન થયું છે અને જેઓ ગ્રેજ્યુએશન બાદ સ્ટુડન્ટ સ્ટેટસમાંથી વર્ક સ્ટેટસમાં જવા માંગે છે.
ભારતીયો પર શું થશે આ ફીની અસર?
H-1Bની પ્રસ્તાવિત ફીનાં કાર્યક્ષેત્રમાં એ લોકો પણ વશે, જેઓ અમેરિકામાં માસ્ટર્સ અથવા તેનાંથી ઉપરની ડિગ્રી લઈ ચૂક્યાં છે અથવા લઈ રહ્યાં છે, એટલે કે એવા વિદ્યાર્થીઓ જે 20 હજાર વિઝા કોટામાં આવે છે. જોકે, એવું નથી કે અમેરિકામાં હાજર દરેક વિદેશી વિદ્યાર્થી થવા ટેમ્પરરી વિઝા હોલ્ડરે જાતે જ ફી ભરવી પડશે. ફી ભરવાનું કામ કંપની કરશે, જે તેમને હાયર કરે છે. પરંતુ ફીને લીધે કંપનીઓ વિદ્યાર્થીઓ અને દેશમાં પહેલાંથી હાજર રહેલાં લોકોને જોબ આપવાથી પીછેહઠ કરી શકે છે.
આ જ કારણ છે જેનાંથી એ દરેક ભારતીય વિદ્યાર્થીઓનું ટેન્શન વધી ગયું છે, જે અમેરિકામાં અભ્યાસ કરી રહ્યાં છે. તેમને લાગે છે કે, ક્યાંક એવું ન થાય કે કંપની તેમને ગ્રેજ્યુએશન બાદ જોબ જ ન આપે, કેમકે તેમના માટે હાયરિંગ ખૂબજ મોંઘી થઈ ચૂકી હશે. અમેરિકામાં ભારતીય વિદ્યાર્થીઓ ગ્રેજ્યુએશન બાદ ઓપ્શનલ પ્રેક્ટિકલ ટ્રેનિંગ (OPT) પર જોબ કરી રહ્યાં છે અને ત્યારબાદ H-1B વિઝા પર શિફ્ટ થઈ જાય છે, કેમકે તે તેમને કામ કરવાની વધુ આઝાદી આપે છે.
1 લાખ ડોલરવાળી જૂની ફીથી કેટલી અલગ હશે નવી ફી?
રાષ્ટ્રપતિ ડોનાલ્ડ ટ્રમ્પે ગત વર્ષે 1 લાખ ડોલરની નવી ફીની જાહેરાત કરી હતી. હાલમાં જે ફી લાગુ કરવાની તૈયારી ચાલી રહી છે, તે આ જૂની ફીથી અલગ છે. જૂની ફી તે કંપનીઓએ ભરવાની હતી, જેઓ વિદેશથી H-1B વિઝા પર હાયરિંગ કરી રહ્યાં હતા. જોકે આ અમેરિકામાં એન્ટ્રીને પ્રતિબંધિત કરવાનાં રાષ્ટ્રપતિનાં અધિકાર પર આધારિત હતું, આ માટે તેમાં હાલનાં કોલેજ ગ્રેજ્યુએટ અથવા એવા વિદેશી નાગરિકો સામેલ ન હતા જેઓ પહેલાંથી જ દેશમાં હતા અને જેમને H-1B સ્ટેટસની મંજૂરી મળી ગઈ હતી.
નવો પ્રસ્તાવ ઇમિગ્રેશન ફી નિયમો દ્વારા લગાવવામાં આવશે અને તેને H-1B અરજીઓ સાથે જોડવામાં આવશે. આનાં પરિણામે તેમાં એ વિદેશી વિદ્યાર્થીઓ પણ સામેલ થઈ શકે છે જેઓ કાયદાકીય રીતે F-1 વિઝા પર અમેરિકા આવ્યા હતા, જેમણે ડિગ્રી પૂર્ણ કરી અને તેમને બાદમાં H-1B લોટરીમાં પસંદ કરવામાં આવ્યા હતા. જો કોઈ કંપની તેના માટે કૈપ-સબ્જેક્ટ H-1B અરજી દાખલ કરે છે, તો આ વાત અમેરિકામાં અસ્થાયી વિઝા પર હાજર અન્ય વિદેશી લોકો પર પણ લાગૂ થઈ શકે છે.
આ જ પ્રકારની કારકિર્દી લક્ષી માહિતી આપ અમારી યુટ્યુબ ચેનલ https://www.youtube.com/@UjjavalBhavishyaNews પરથી પણ મેળવી શકો છો.