Study Abroad માટે સારા માર્ક્સની જરૂર પડે છે, કેમ કે ત્યાંની ટોપ યુનિવર્સિટીઝમાં એડમિશન માટે દરવાજા ત્યારે જ ખુલે છે. પરંતુ ઓછા માર્ક્સ હોય તો પણ ત્યાં અભ્યાસ કરી શકાય છે.
ઉજ્જવલ ભવિષ્ય
Study Abroad માટેનો વિચાર મનમાં આવતા જ લોકોને લાગે છે કે, જેમનાં માર્ક્સ સારા હોય તેમને જ એડમિશન મળી શકે છે. વિદ્યાર્થીઓને લાગે છે કે, જો તેમના માર્ક્સ ઓછા છે, તો પછી તેમના માટે વિદેશી યુનિવર્સિટીના દરવાજા બંધ થઈ ચૂક્યાં છે. જોકે, એવું બિલકુલ નથી. કેમ કે બ્રિટન, ઓસ્ટ્રેલિયા અને કેનેડાની યુનિવર્સિટીઝ વિદ્યાર્થીઓમાં માર્ક્સ કરતાં પણ ઘણી વધારે ચીજો જુએ છે. તેઓ વિદ્યાર્થીઓની ભણવાની અને સફળ થવાની ઇચ્છા, સુધાર અને ઓવરઓલ પ્રોફાઇલના આધાર પર એડમિશન આપે છે.
Study Abroad માટે યુનિવર્સિટીઝ એડમિશન સમયે એ જાણવામાં વધુ રસ દાખવે છે કે, વિદ્યાર્થી કોણ છે? તેણે પોતાના જીવનમાં શું એચિવ કર્યું છે? અને તે આગળ જતાં શું કરવા માંગે છે? તેમને માર્ક્સ કરતાં અન્ય વસ્તુઓમાં પણ ઘણો વધારે રસ હોય છે. એ જ કારણ છે કે, વિદ્યાર્થીઓને માર્ક્સ ઓછા હોવા છતાં પણ Study Abroadના ઓપ્શન રહે છે. આવો, આજે આપને બતાવીએ કે, ઓછા માર્ક્સ હોવા છતાં પણ Study Abroad હાયર એજ્યુકેશન કેવી રીતે કરી શકાય છે. અને આ માટેના કયા-કયા રસ્તા છે.
ફાઉન્ડેશન અને પાથવે પ્રોગ્રામ
જે વિદ્યાર્થીઓના સ્કૂલમાં માર્ક્સ ઓછા આવ્યા છે, તેઓ ફાઉન્ડેશન અને પાથવે પ્રોગ્રામનો અભ્યાસ કરી શકે છે. બ્રિટન, ઓસ્ટ્રેલિયા અને યુરોપમાં ઉપલબ્ધ આ શરૂઆતના કોર્સિસ વિદ્યાર્થીઓના ગેપને ભરવા તથા ઇન્ટરનેશનલ એજ્યુકેશન સિસ્ટમ સાથે સેટ થવા માટે મદદ કરે છે. એક ફાઉન્ડેશન પ્રોગ્રામ મુખ્ય ડિગ્રીની પહેલાં કરવાનો હોય છે, જેનાથી આપને એક વર્ષ વધુ ભણવાનો મોકો મળે છે. ફાઉન્ડેશન પ્રોગ્રામ દ્વારા આપની માહિતી અને આત્મવિશ્વાસ બંને વધે છે. પાથવે પ્રોગ્રામ મુખ્ય ડિગ્રીની સાથે જ કરવામાં આવે છે.
પ્રી-માસ્ટર પ્રોગ્રામ
જો આપના બેચલર્સમાં સારા માર્ક્સ નથી, તો પછી આપે પ્રી-માસ્ટર પ્રોગ્રામ બાબતે વિચાર કરવો જોઈએ. આ શોર્ટ કોર્સ સ્ટુડન્ટને માસ્ટર લેવલના કામ માટે તૈયાર કરે છે અને તેમને દુનિયાભરની યુનિવર્સિટીમાં સ્વીકાર કરવામાં આવે છે. પ્રી-માસ્ટર પ્રોગ્રામ મુખ્ય માસ્ટર કોર્સની વચ્ચે એક પુલનું કામ કરે છે. જો આપ તેમાં સારું પ્રદર્શન કરો છો, તો પછી આના આધાર પર આપને કોઈપણ પ્રતિષ્ઠિત યુનિવર્સિટીમાં એડમિશન મળી શકે છે.
ટેસ્ટ સ્કોર અને રિકમન્ડેશન લેટર
ઘણાં વિદ્યાર્થીઓ ભલે અભ્યાસમાં નબળા હોય, પરંતુ તેઓ SAT, GRE તથા GMAT જેવી પરીક્ષાઓમાં સારું પ્રદર્શન કરે છે, તો પછી તેમને તે આધાર પર એડમિશન મળી જાય છે. તે સિવાય જો આપના માટે કોઈ સારો રિકમન્ડેશન લેટર લખી આપે છે, તો તેના આધાર પર પણ આપને એડમિશન મળી શકે છે. રિકમન્ડેશન લેટરમાં એ વાતનો ઉલ્લેખ કરવામાં આવે છે કે, આપ કેવા પ્રકારના વિદ્યાર્થી છો અને આપે હજી સુધી કઈ-કઈ સિદ્ધિઓ મેળવી છે.
આ જ પ્રકારની કારકિર્દી લક્ષી માહિતી આપ અમારી યુટ્યુબ ચેનલ https://www.youtube.com/@UjjavalBhavishyaNews પરથી પણ મેળવી શકો છો.