New Zealandમાં અભ્યાસ કરવા માટે જનારા ભારતીય વિદ્યાર્થીઓ પાસે ત્યાંનાં બધા ખર્ચને યોગ્ય રીતે મેનેજ કરવા માટે પૈસા હોવા જોઈએ. તેમની પાસે એટલા પૈસા હોવા જોઈએ, જેનાથી તેમને ત્યાં રહેવા દરમ્યાન કોઈ તકલીફ ન આવે.
ઉજ્જવલ ભવિષ્ય
New Zealandમાં અભ્યાસ માટે જવાનું પ્લાનિંગ કરનારા ભારતીય વિદ્યાર્થીઓને ત્યાંની ‘ફંડ ટ્રાન્સફર સ્કીમ’ (FTS) અંગે પણ માહિતી હોવી જોઈએ. FTSને મેનેજ કરવાની જવાબદારી ‘ઇમિગ્રેશન ન્યૂઝીલેન્ડ’ (INZ) પાસે છે, જ્યારે તેનું જ્યારે તેનું ઓપરેશન ANZ બેંક ન્યૂઝીલેન્ડ લિમિટેડ સંભાળે છે. તેના દ્વારા વિદ્યાર્થીઓને New Zealandમાં અભ્યાસ દરમ્યાન પૈસા ટ્રાન્સફર કરવા તથા કાઢવાની સગવડ આપવામાં આવે છે. આ જ કારણ છે કે, ભારતીય વિદ્યાર્થીઓને FTS અંગે માહિતી હોવી જોઈએ. આની જરૂર સ્ટુડન્ટ વિઝા દરમ્યાન પડે છે.
FTS સ્કીમ દ્વારા એની ખાતરી થાય છે કે, વિદ્યાર્થીઓ પાસે New Zealandમાં રહેવા દરમ્યાન ખર્ચને કવર કરવા માટે પૂરતા પૈસા છે. આ સિસ્ટમ દ્વારા વિદેશી વિદ્યાર્થીઓને New Zealand પહોંચતા પહેલાં એક ખાસ સેવિંગ એકાઉન્ટમાં પૈસા જમા કરાવવાનાં હોય છે. એકબાર તે જ્યારે New Zealand પહોંચી જાય છે, તો તેણે ત્યાં એક નવું એકાઉન્ટ ખોલાવવાનું હોય છે. ત્યારબાદ FTSથી જોડાયેલા એકાઉન્ટમાંથી દર મહિને એક ખાસ રકમ તેના નવા એકાઉન્ટમાં ટ્રાન્સફર થઈ જાય છે, જેથી તે નિયમિત ખર્ચને કવર કરી શકે. ઘણીવાર તો INZ સ્ટુડન્ટ વિઝા માટે FTS એકાઉન્ટની ડિટેલ્સ પણ માંગી લે છે.
FTSમાં કેટલાં પૈસા હોવા જોઈએ?
INZનાં મત પ્રમાણે, વિદેશી વિદ્યાર્થીઓ માટે FTS એકાઉન્ટ હોવું જરૂરી છે, જેથી તેઓ એ સાબિત કરી શકે કે, તેની પાસે ન્યૂઝીલેન્ડમાં અભ્યાસ કરવા માટે રોજિંદા ખર્ચને વહન કરવા માટે પૂરતા પૈસા છે. વિદ્યાર્થીઓને ઓછામાં ઓછા એક વર્ષનાં ખર્ચ જેટલાં પૈસા તેમાં ટ્રાન્સફર કરવા પડે છે. જે ભારતીય વિદ્યાર્થી કોલેજ અથવા યૂનિવર્સિટીમાં અભ્યાસ કરવા માટે જઈ રહ્યો છે, તેણે ઓછામાં ઓછા 20 હજાર ન્યૂઝીલેન્ડ ડોલર (લગભગ 10.60 લાખ રૂપિયા) FTS એકાઉન્ટમાં જમા કરાવવા પડે છે. આ પૈસા માત્ર રહેવા-ખાવાનાં ખર્ચને કવર કરવા માટે હોય છે. તેમાં ટ્યુશન ફી સામેલ નથી હોતી.
FTSની પ્રોસેસ શું છે?
વિદ્યાર્થીઓને INZ તરફથી ‘અપ્રુવલ ઇન પ્રિંસિપલ’ (AIP) લેટર મળે છે, ત્યારબાદ FTSની પ્રક્રિયા શરૂ થાય છે. આ લેટરમાં જણાવવામાં આવે છે કે, વિદ્યાર્થીને FTSની જરૂર શા માટે છે? ત્યારબાદ વિદ્યાર્થીઓને બેંક સાથે એક ઓનલાઇન એપ્લિકેશન ફોર્મ ભરવાનું હોય છે, જે પૂર્ણ થયા બાદ બેંક આગળની કાર્યવાહી માટે તેમનો સંપર્ક કરે છે. એકવાર બેંક એકાઉન્ટ ખુલી જાય છે, તો પછી વિદ્યાર્થી પોતાના પૈસા FTS સેવિંગ એકાઉન્ટમાં ટ્રાન્સફર કરીને તેની માહિતી બેંકને આપી શકે છે. ત્યારબાદ બેંક ફંડ મળવાની માહિતી INZને આપે છે. વિદ્યાર્થીઓને ન્યૂઝીલેન્ડ પહોંચતા જ એકાઉન્ટ એક્ટિવેટ કરવાનું હોય છે.
કેટલાં પૈસા કાઢી શકાય છે?
વિદ્યાર્થીઓને પોતાની રોજિંદી દિનચર્યામાં ઉપયોગમાં લેવા માટે એકાઉન્ટમાં માત્ર એક ફિક્સ રકમ જ ટ્રાન્સફર કરવાની પરવાનગી હોય છે. 20 હજાર ન્યૂઝીલેન્ડ ડોલર જમા કરવા પર વિદ્યાર્થી દર મહિને વધુમાં વધુ 1666 ડોલર જ ઉપાડી શકે છે. વધારાની રકમ ઉપાડવા પર રોક રહે છે. અને આ માત્ર ખાસ સ્થિતિ (જેમકે નાણાંકીય તકલીફ)માં જ શક્ય છે, જે માટે બેંકની મંજૂરી જરૂરી હોય છે. વિદ્યાર્થી FTS એકાઉન્ટની સાથે-સાથે ન્યૂઝીલેન્ડમાં અન્ય બેંક એકાઉન્ટ પણ ખોલાવી શકે છે.
આ જ પ્રકારની કારકિર્દી લક્ષી માહિતી આપ અમારી યુટ્યુબ ચેનલ https://www.youtube.com/@UjjavalBhavishyaNews પરથી પણ મેળવી શકો છો.