USAમાં Visa Appointment પર જ્યારથી રોક લગાવવામાં આવી છે, ત્યારથી ભારતીયો ખૂબજ હેરાન છે. સૌથી વધુ હેરાન એ લોકો છે, જેમણે Green Card માટે અરજી કરી છે. તેમને એ ડર છે કે ગ્રીનકાર્ડ મળવામાં વધુ સમય લાગી શકે છે.
ઉજ્જવલ ભવિષ્ય
USAમાં રાષ્ટ્રપતિ ડોનાલ્ડ ટ્રંપની સરકારે ઇમિગ્રન્ટ Visa Appointmentની બુકિંગ પર રોક લગાવી દીધી છે અને તેને રિશિડ્યુલ કરી દીધા છે. ટ્રમ્પ સરકારનાં આ Visa Appointment રદ કરવાના નિર્ણયને લીધે તે ભારતીય વર્કર્સને હજુ વધુ રાહ જોવી પડી શકે છે, જેમણે પહેલાંથી જ Green Card માટે અરજી કરી છે. અમેરિકામાં સ્થાયી રીતે રહેવા માટે ગ્રીનકાર્ડની જરૂર પડે છે, જેને મેળવવું ભારતીયો માટે પહેલાંથી જ લાંબી અને મુશ્કેલ પ્રક્રિયા છે.
Visa Appointmentની બુકિંગ પર લાગેલી રોકને લીધે ભારતીયોની પ્રાયોરિટી ડેટ્સમાં તો કોઈ ફેર નહીં પડે, પરંતુ જો આ અવરોધ લાંબા સમય સુધી ચાલુ રહેશે, તો વિઝા જારી થવાની સંખ્યા ઘટી શકે છે. માત્ર એટલું જ નહિ, પરંતુ કેટલાંક કેસ પેન્ડિંગ પણ રહી શકે છે અને ભવિષ્યનાં વિઝા બુલેટિનમાં ‘રેટ્રોગેશન’ એટલે કે તારીખો પાછી ઠેલાવવાનું જોખમ વધી શકે છે. જો એવું થાય છે, તો વેઇટિંગ ટાઇમ આપોઆપ વધી જશે.
એક રિપોર્ટમાં જણાવવામાં આવ્યું છે કે, દુનિયાભરનાં અમેરિકન દૂતાવાસો અને વાણિજ્યિક દૂતાવાસોએ Visa Appointment પર રોક લગાવી દીધી છે. વિઝા ઇન્ટરવ્યૂ પણ રોકી દેવામાં આવ્યા છે, અને જેમની પાસે પહેલાંથી જ બુકિંગ હતું તેમનાં માટે ટાઇમને રિશિડ્યુલ કરી દેવામાં આવ્યો છે. આની પાછળનું મુખ્ય કારણ એ છે કે, અમેરિકન કોન્સ્યુલર અધિકારીઓને ટ્રેનિંગ આપવામાં આવશે, જેથી તેઓ એવા અરજદારોની ઓળખ કરી શકે, જે ભવિષ્યમાં સરકાર પર આધારિત રહી શકે છે.
ભારતીયો માટે હજી Green Card વેઇટિંગ ટાઇમ શું છે?
અમેરિકન વિદેશ મંત્રાલય તરફથી હાલમાં જ સપ્ટેમ્બર 2026 માટે વિઝા બુલેટિન જારી કરવામાં આવ્યું છે. જેમાં દર્શાવવામાં આવ્યું છે કે, એમ્પ્લોયમેન્ટ બેસ્ડ ગ્રીન કાર્ડ કેટેગરીમાં હજી સુધી ભારતીયોને લાંબો વેઇટિંગ ટાઇમ જોવો પડી શકે છે. ભારતનાં એમ્પ્લોયમેન્ટ બેસ્ડ અરજદારો માટે ફાઇનલ એક્શન ડેટ નીચે મુજબ છે.
- EB-1 : 15 ઓક્ટોબર, 2022
- EB-2 : ઉપલબ્ધ નથી (U)
- EB-3 : 1 જાન્યુઆરી, 2014
- EB-3 અન્ય વર્કર્સ : 1 જાન્યુઆરી, 2014
ગ્રીનકાર્ડ વિઝા ત્યારે જ જારી કરવામાં આવે છે, જ્યારે અરજદારની પ્રાયોરિટી ડેટ લાગૂ ફાઇનલ એક્શન ડેટ પહેલાની હોય. ભારત માટે EB-2 કેટેગરીનાં U અથવા ઉપલબ્ધ નથીનાં રૂપમાં હોવાનો મતલબ છે કે, વિદેશ મંત્રાલય સપ્ટેમ્બર માટે તે કેટેગરીમાં આગળ ગ્રીનકાર્ડ જારી કરવાની મંજૂરી નથી આપી રહ્યું. સપ્ટેમ્બર બુલેટિન એ તારીખોને પણ લિસ્ટ કરે છે જ્યારે અરજદાર દસ્તાવેજ જમા કરાવવાનું શરૂ કરી દે છે. આ તારીખો નીચે મુજબ છેઃ
- EB-1 : 1 ડિસેમ્બર, 2023
- EB-2 : 1 જાન્યુઆરી, 2022
- EB-3 : 15 જાન્યુઆરી, 2015
આ ફાઈલિંગ તારીખો છે, ગ્રીનકાર્ડ મળવાની તારીખ નથી. કોઈપણ અરજદારને દસ્તાવેજો જમા કરાવવાની મંજૂરી મળી શકે છે, પરંતુ ગ્રીનકાર્ડ જારી થવા માટે તેણે લાંબા સમય સુધી રાહ જોવી પડી શકે છે. જ્યાં સુધી પ્રાયોરિટી ડેટ કરન્ટ (હાલની) ન થઈ જાય.
શું Visa Appointment રોકવાથી ગ્રીનકાર્ડની લાઈન પાછી જઈ શકે છે?
આનો જવાબ છે – હા. ગ્રીનકાર્ડ માટે હજી પણ લાઇન લાગેલી છે અથવા કહો કે વેઇટિંગ ટાઇમ છે, તેના પર દબાણ વધી શકે છે. ખાસ કરીને ત્યારે જ્યારે Visa Appointment બુકિંગ આ જ પ્રકારે બંધ રહે છે. વિઝા બુલેટિન આંશિક રીતે ગ્રીન કાર્ડ જારી કરવા માટે તૈયાર દર્શાવવામાં આવેલાં અરજદારોની સંખ્યા પર આધારિત હોય છે. જો ઇન્ટરવ્યુ પોસ્ટપોન કરી દેવામાં આવે છે, તો કોન્સ્યુલર અધિકારી પ્રભાવિત સમયગાળા દરમ્યાન ઓછા ઇમિગ્રન્ટ વિઝા જારી કરી શકે છે. જેનાંથી એક ઓપરેશનલ બેકલોગ પેદા થઈ શકે છે. અરજદાર દસ્તાવેજી રૂપે યોગ્ય બનેલ રહી શકે છે, પરંતુ ઇન્ટરવ્યુ અથવા અંતિમ નિર્ણય માટે તેમણે વધુ સમય રાહ જોવી પડી શકે છે. જે મામલાઓ સંબંધિત નાણાંકીય વર્ષ દરમ્યાન પૂર્ણ નથી થતાં, તેમને બાદનાં સમયગાળામાં વિઝા નંબરો સાથે પ્રતિસ્પર્ધા કરી પડી શકે છે.
જોકે, Visa Appointment પર લાગેલી આ રોકથી દરેક ભારતીય અરજદારોની પ્રાયોરિટી ડેટ આપોઆપ પાછળ નથી ધકેલાઈ જતી. પ્રાયોરિટી ડેટ્સ વાર્ષિક ગ્રીન કાર્ડ કોટા, કેટેગરીનાં આધારે લિમિટ, દેશની સીમાઓ અને માંગથી કંટ્રોલમાં હોય છે. વિદેશ મંત્રાલય એ નક્કી કરે છે કે માસિક વિઝા બુલેટિનનાં માધ્યમથી તે નંબરોને કેવી રીતે ફાળવણી કરવી.
કયા ભારતીય અરજદારોને સૌથી વધુ ખતરો છે?
- જે ભારતીય અરજદારો એવી કેટેગરીમાં છે, જે પહેલાંથી જ ઓવરસબસ્ક્રાઇબ છે અથવા પોતાની વાર્ષિક લિમિટની નજીક છે, તેને સૌથી વધુ અનિશ્ચિતતાનો સામનો કરવો પડી શકે છે.
- EB-2 અરજદાર વર્તમાનમાં સૌથી અઘરી પરિસ્થિતિમાં છે, કારણ કે સપ્ટેમ્બર માટે કેટેગરી અનઉપલબ્ધ રીતે લિસ્ટ છે.
- 15 ઓક્ટેબર, 2022ની સૌથી નજીકની પ્રાયોરિટી ડેટવાળા EB-1 અરજદારોને પણ અનિશ્ચિતતાઓનો સામનો કરવો પડી શકે છે, કેમકે વિદેશ મંત્રાલયે ચેતવણી આપી છે કે માંગ વધવાને લીધે કેટેગરી અનઉપલબ્ધ હોઈ શકે છે.
- EB-3 અરજદારો માટે 1 જાન્યુઆરી, 2014ની જૂની કટ-ઓફ ડેટ છે. તેનો મતલબ એ છે કે, ત્યારબાદની પ્રાયોરિટી ડેટવાળા અરજદારો લાઈનમાં રહે છે, ભલે તેમની દસ્તાવેજી પ્રક્રિયા પૂર્ણ થઈ ચૂકી હોય.
માત્ર આ રોકથી કોઈ અરજદારની પ્રાયોરિટી ડેટ ખતમ નથી થઈ જતી. પરંતુ ઇન્ટરવ્યૂ અથવા વિઝા જારી થવામાં મોડું થવાથી તે સમય આગળ ખસી શકે છે, જ્યારે કોઈ અરજદારોને વિઝા મળી શકે છે. જો કોઈ કેટેગરી પોતાની વાર્ષિક મર્યાદા સુધી પહોંચી જાય છે, અથવા જો વિદેશ મંત્રાલય ડિમાન્ડને કન્ટ્રોલ કરવા માટે તારીખોમાં ફેરફાર કરે છે, તો પ્રાયોરિટી ડેટ ફરીથી કરંટ થવાથી પહેલાંનાં અરજદારોને લાંબો સમય સુધી રાહ જોવી પડી શકે છે.
આ જ પ્રકારની કારકિર્દી લક્ષી માહિતી આપ અમારી યુટ્યુબ ચેનલ https://www.youtube.com/@UjjavalBhavishyaNews પરથી પણ મેળવી શકો છો.