Dubaiમાં લાખો ભારતીય વર્કર્સ જોબ કરી રહ્યાં છે. તેમાંથી કેટલાંક એવા છે, જેઓ ત્યાં પરિવાર સાથે રહે છે. અને જાતે જ રહેવાની વ્યવસ્થા કરે છે.
ઉજ્જવલ ભવિષ્ય
વિદેશમાં નોકરી કરવા માટે ભારતીયોની વચ્ચે સૌથી વધુ લોકપ્રિય દેશોની જ્યારે વાત આવે છે, ત્યારે તેમાં ખાડી દેશોનું નામ સૌથી પહેલાં આવે છે. અહીં લાખોની સંખ્યામાં ભારતીય વર્કર્સ કામ કરી રહ્યાં છે. ખાલી સંયુક્ત અરબ અમિરાત (UAE)માં જ 43 લાખ ભારતીયો રહે છે. આ જ પ્રકારે UAEનાં Dubai શહેરમાં નોકરીને લીધે રહેનારા લોકોની સંખ્યા લગભગ 20 લાખ છે. Dubaiમાં રહેનારા મોટાભાગના ભારતીય વર્કર્સ ભાડાનાં ઘર અથવા એપાર્ટમેન્ટ લઈને રહે છે. કેટલાંક એવા પણ વર્કર્સ છે, જેમને કંપની તરફથી રહેવાની વ્યવસ્થા મળી છે.
જોકે, જે વર્કર્સને કંપની તરફથી રહેવાની વ્યવસ્થા નથી કરાવી આપવામાં આવતી, તેઓ ભાડા પર મકાન લે છે. જો આપ પણ દુબઈમાં ભાડેથી ઘર અથવા એપાર્ટમેન્ટ લઈને રહો છો, અથવા દુબઈ જવાનું પ્લાનિંગ કરી રહ્યાં છો અને ભાડેથી મકાન લેવાનું વિચારી રહ્યાં છો, તો આપને ભાડા સાથે જોડાયેલાં કેટલાંક નિયમો પણ ખબર હોવા જોઈએ. દુબઈ સરકારે ભાડે મકાન રાખવાનાં નિયમો ખૂબજ કડક બનાવ્યા છે. જેનાં લીધે વિશ્વનાં ખૂણે-ખૂણેથી આવનારા વર્કર્સ મકાન માલિકોના શોષણથી બચી શકે છે. એવામાં આવો, દુબઈમાં ભાડા સાથે જોડાયેલાં નિયમોને વિસ્તારપૂર્વક જાણીએ.
Dubaiમાં ભાડા સાથે જોડાયેલાં નિયમો શું છે?
Dubaiમાં મકાન માલિક પોતાની મરજીથી અથવા મનફાવે તેમ ભાડું નથી વધારી શકતા. સ્થાનિક કાયદાઓ ભાડા વધારવા માટે સમય અને સંખ્યા પર સ્પષ્ટ મર્યાદાઓ નક્કી કરે છે, જેને લીધે ભાડેથી રહેનાર લોકોને કાયદાકીય રક્ષણ પણ મળે છે. આ સાથે જ મકાનમાલિકોને પણ યોગ્ય રીતે કામ કરવા માટે ગાઇડલાઇન્સ પણ આપવામાં આવે છે. કાયદા પ્રમાણે, ભાડું ત્યારે જ વધારી શકાય છે, જ્યારે લીઝની સમયમર્યાદા પૂર્ણ થઈ ગઈ હોય. એકસાથે 20%થી વધુ વધારો ભાડામાં નથી કરી શકાતો. તથા તેઓ દુબઈ ભૂમિ વિભાગ તથા રિયલ એસ્ટેટ નિયામક એજન્સી દ્વારા મંજૂર કરવામાં આવેલી મર્યાદાની અંદર જ હોવું જોઈએ.
ભાડું વધારતા પહેલાં મકાનમાલિકે એ જોવું પડે છે કે, તેમનાં જેવી જ મિલકતનું સરેરાશ ભાડું અને ઘરની સ્થિતિ શું છે. આ સાથે જ તેમણે દુબઈની સમગ્ર આર્થિક સ્થિતિને પણ ધ્યાનમાં રાખવાની હોય છે. જો ભાડુઆત અસહમત હોય, તો ટ્રિબ્યૂનલ યોગ્ય ભાડું નક્કી કરી શકે છે.
ભાડું વધારવાની માહિતી આપવી ફરજિયાત
દુબઈમાં ભાડાનાં નિયમો કહે છે કે, જો મકાનમાલિકને ભાડું વધારવું હોય, તો તેમણે લીઝ પૂર્ણ થવાનાં ઓછામાં ઓછા 90 દિવસ પહેલાં ભાડાતને સૂચના આપવી પડે. આ કરવું અનિવાર્ય છે. આ પ્રમાણે જો લીઝ એક વર્ષની છે, તો પછી આ દરમ્યાન એકથી વધુ વાર ભાડું નથી વધારી શકાતું. તેનાથી ભાડુઆતને પોતાની નાણાંકીય પ્લાનિંગ બનાવવા માટે અથવા તો મકાન માલિક સાથે વાતચીત કરવાનો સમય પણ મળી જાય છે.
ભારતીયો માટે કેમ વધુ મહત્વ ધરાવે છે આ નિયમ?
Dubaiમાં વિદેશી વર્કર્સમાં સૌથી મોટી સંખ્યા ભારતીયોની છે. તેઓ અહીં દરેક સેક્ટરમાં જોબ કરી રહ્યાં છે, પછી તે હેલ્થકેર હોય કે કન્સ્ટ્રક્શન. આ નિયમોને લીધે ભારતીય ભાડુઆતોને અચાનક ભાડું વધવા જેવી સમસ્યાઓથી બચવાની તક મળે છે. તેઓ આ નિયમોને લીધે જ ભાડા બાબતે વધુ સારી રીતે એડજસ્ટમેન્ટ કરી શકે છે. ભારતીય ભાડુઆત સ્માર્ટ રેન્ટલ ઇન્ડેક્સ જેવા ટૂલનો ઉપયોગ કરીને પોતાના વિસ્તારમાં લેવામાં આવતા સરેરાશ ભાડાની માહિતી પણ મેળવી શકે છે. સરકારનાં આ નિયમોને લીધે તે વર્કર્સને ઘણી રાહત મળે છે, જેમના મનમાં મનફાવે તે રીતે ભાડુ વધવાને લઈને બીક છે.
આ જ પ્રકારની કારકિર્દી લક્ષી માહિતી આપ અમારી યુટ્યુબ ચેનલ https://www.youtube.com/@UjjavalBhavishyaNews પરથી પણ મેળવી શકો છો.